Estimadas familias, queremos informarvos que xa están dispoñibles para a súa consulta as listaxes definitivas de alumnas e alumnos admitidos para o próximo curso académico 2025-2026.
Seguindo as directrices establecidas no Decreto 13/2022 do 3 de febreiro, que regula a admisión do alumnado, así como o estipulado na Orde do 21 de outubro de 2022 que desenvolve o mencionado Decreto, procedemos a publicar estas listaxes.
As listaxes están expostas na cristaleira interior do noso centro. Convidamos ás familias interesadas a consultalas para verificar a admisión dos seus fillos e fillas para o ano escolar vindeiro.
Para calquera consulta ou aclaración adicional, non dubiden en poñerse en contacto coa secretaría do centro.