Os cursos de 5º e 6º de primaria están co Museo de Belas Artes da Coruña a través do programa “Correspondencias”.
Esta iniciativa consiste en diversos retos artísticos para coñecer o Museo.
Comezaremos esta viaxe dende a Etapa Contemporánea para ir chegando á Idade Moderna, temática central do proxecto documental do centro.
Ao longo do mes de outubro levouse a cabo o primeiro reto, denominado “Mirando con ollos de artista”, onde a través da obra de Alberto Datas o noso alumnado aprendeu a observar e crear arte dende calquera elemento. Centrámonos para isto nas múltiples pareidolias que puideron atopar no noso centro.
