E durante este trimestre a nosa mesa de experiencias seguiu aportando novas sensacións, á vez que desenvolvemos habilidades manuais.
Neste espazo podemos xogar e experimentar de xeito libre. Unha das actividades que xorden máis frecuentemente son os trasvases.
E que son os trasvases e que nos aportan?
Os trasvases consisten en pasar dun recipiente a outro diferentes sustancias ou elementos (nestes últimos días garanvanzos, terra, pan raiado…)
Estes movementos poñen as “mans en forma” e grazas a eles:
- Melloramos a coordinación óculo-manual.
- Desenvolvemos a nosa autonomía.
- Preparamos a musculatura da man para o agarre do útil de escritura.
- Aumentamos a nosa capacidade de concentración.
E ao rematar de xogar continúa a actividade, xa que nos encargamos de limpar e recoller o que caeu ao chan. Deste xeito traballamos polo coidado da nosa aula e somos responsables de manter os espazos limpos e ordenados.