Comezamos esta proposta servíndonos da Filosofía para nenas e nenos, polo que comezamos falando sobre que era ARTE. Para algúns eles e elas mesmos son artistas cando debuxan, tamén os pintores e pintoras…
Logo disto comezamos a ver a Galería virtual de obras de Laxeiro e pensamos que podería ser o que Laxeiro quixo debuxar en cada obra.
Podedes xogar na casa a imaxinar figuras e formas, e pensar no que puido querer pintar Laxeiro en cada obra. Aquí deixamos algunhas das nosas aportacións:
Logo de coñecer a súa obra imaxinamos como sería Laxeiro: baixo ou alto? Fraco ou gordo? Tería ollos? Tería bigote? Barba? Gafas?
Despois de imaxinar e pensar descubrimos a súa imaxe e comezamos a crear coa súa obra.
De xeito cooperativo por medio da técnica do folio xiratorio creamos a nosa propia obra inspirados en Laxeiro. Cada grupo contribuiu coa súa peza á obra conxunta da nosa aula (4 pezas). Esta obra compartímola cos demais no mural do corredor. Primeiro trazamos as liñas negras e logo demos cor coa acuarela.
E así quedou a nosa obra conxunta inspirada en Laxeiro.
