En moitas ocasións son os acontecementos ou aquilo máis cotián o que chama a nosa atención e se converte no centro do noso mundo por uns intres.

Estes momentos tan singnificativos, nos que o asombro é a guía das aprendizaxes deixamos fluír as nosas mentes e os nosos sentidos. As irmás Abilleira (mestras de educación infantil), no seu último libro fan un eloxio do cotián e recollen estes momentos de tanta importancia dentro dunha aula e compáranos co latexo dun corazón.

E por iso queremos deixarvos unha mostra dese latexos diarios do corazón da nosa aula.

Perruquería no patio

O dia no que o cabelo solto de Sara V. fixo saír do noso interior un perruqueiro/a.

Un camión no patio

As obras do cole chamaron a nosa atención. Un camión cargado fixo que a nosa asemblea se vira interrompida, polo interés que causou. Saímos ao patio para ver como descargaba, e aproveitamos para ir contando cantos “paquetes” lle faltaban por descargar.

O garavanzo perdido

E que pasa cando un garavanzo da mesa de experiencias cae debaixo dun armario e non lle chegamos coa man? Pois poñemos o noso miolo a funcionar e buscamos solucións aos problemas.

Limpacristais

Coas pezas creamos uns pulverizadores de auga.
Cos chalecos da caixa do patio limpamos.

No patio xorden de xeito espontáneo xogos marabillosos como o de limpar os cristais. E se o facemos un dia de verdade?

Poderiamos encher de latexos coma estes o noso blog, pero isto só é unha pequena mostra, para que coñezades o que realmente nos fai vibrar no máis adentro, o que nos emociona ou nos fai ilusionarnos.

Cada momento destes por moi insignificante e cativo que pareza, está cargado de emoción. E todo o que emociona e nos move xera en nós aprendizaxes fortes.

Unirse á conversa

1 comentario

  1. Responder

Deixar un comentario

O teu enderezo electrónico non se publicará Os campos obrigatorios están marcados con *